-- ADVERTISEMENT --
ROXAS CITY – Padayon nga ginahibalo sang mga kapulisan ang pagkakilanlan sang isa ka lalaki nga ginaalegar ginluthang sa sulod sang iya salakyan, kag nasunog, sa Sitio Mabini corner Mejorada, Brgy. Inzo Arnaldo, Roxas City, subong gid lamang nga hapon.
Ang salakyan ang isa ka Mitsubishi Pajero, nagaduag itom kag may plate number nga XAM 778.
Sandig sa traffic auxiliary nga si George Aguil, suno sa mga residente nga may nabatian sila nga duha ka lupok antes bumunggo ang amu nga salakyan sa pader kag gilayon nga nagkalayo.
Sa karon, padayon ang imbestigasyon sang mga kapulisan sa responsable sang insidente.
