Dakop ang 57 anyos nga lalaki nga ginakabig Top 8 Most wanted person sa Municipal level matapos ginserbihan sang warrant of arrest sang mga kapulisan sa Poblacion Ilaya, Maayon, Capiz.
Ginkilala ang akusado kay alyas “Jerry”, 57-anyos, mangunguma kag residente sang Barangay Tapi, Kabankalan City, Negros Occidental.
Nagapangatubang ini sa kaso nga Attempted Murder kun sa diin ang warrant of arrest ang gin-isyu kag ginpermahan ni Judge Rodney Zamora Magbanua, RTC, 6th Judicial Region, Branch 61, Kabankalan City, Negros Occidental napetsahan Pebrero 10, 2025.
Ginrekomendar naman sang korte ang P120,000 nga piyansa para sa temporaryo nga kahilwayan sang akusado.
Sa karon, yara na ini sa paghinakop sang Kabankalan PNP kag natalana nga iga-turnover sa ila sini nga court of origin para sa nagakaigo nga disposisyon.
