Lalaki nga ginapahayag nagapanglingling sa “love making” sang kaupod sa trabaho, pilason matapos ginbuno

Pilason ang isa ka lalaki matapos nga ginbuno bangud sa ginapahayag pagpanglingling sa “love making” sa iya katrabaho sa Barangay West Habog-Habog, Molo, Iloilo City.

Ang biktima amo si Alyas Raymund samtang ang suspek naman amo si Alyas Janjan, legal ang pang-edaron.

Suno sa imbestigasyon sang otoridad magka-upod nga naga inom-inum ang duha antis natabo ang insidente sang ginkompronta ni  alyas Janjan si alyas Raymund kun nagapanglingling inI sa love making sa iya asawa.

Kasunod sang amo nga hitabo gilayon nga  naakig si Janjan sa diin nagkuha ini sang kutsilyo kag ginbuno sa nawala nga butkon ang biktima.

Sa subong, ginahulat nalang sang mga kapulisan ang desisyon sang  biktima kun bala magapasaka sang kaso.