Isa ka lalaki ang ginlampusan sang bareta sa ulo samtang nagakatulog sa ila balay sa Cebu City.
Ginapatihan motibo sa krimen amo ang pagpamalibad sang biktima nga ipahulam sa suspek ang iya bag-o nga cellphone.
Suno sa biktima nga si Ashley Luminog, 28 anyos, nakabugtaw nalang ini siya matapos nga ginlampusan siya kag may nagguwa nga dugo sa iya ulo.
Ginaalegar nga nakita sini ang suspek nga kaupod niya sa balay nga si Alyas Tibo nga liwat kuntani nga bun-on apang na-agaw na sini ang stick.
Nadakpan naman ang suspek kag napreso sa Guadalupe Police Station.
Suno sa biktima, posible nga kahisa ang ginhimo sang suspek bangud nalipay ang ila pamilya sa iya, kag nagbakal ini sang bag-o nga cellphone nga wala niya ginpahulam sa iya.
Desidido man ang biktima nga padayunon ang pagpasaka sang kaso batuk sa suspek.
