Napasakaan na sang kaso nga paglapas sa Republic Act 9165 ukon Comprehensive Dangerous Drugs Act of 2002 kag RA 10591 ukon Comprehensive Firearms and Ammunition Regulation Act ang isa ka lalaki matapos nga makuhaan sang armas luthang kag iligal nga droga sa banwa sang Pilar.
Matandaan nga ginkilala ang biktima nga si alyan junjun, kag residente sang Barangay San Ramon sang nasambit nga banwa.
Sa nakuha nga impormasyon sang Bombo Radyo nagikan sa Pilar Municipal Police Station, ginpahayag nga nagapinalupok ang nasambit nga suspetsado gamit ang Calibre 38 nga armas luthang kag nagtuga sang gamo sa lugar.
Narekober sa suspetsado ang isa ka unit sang armas luthang, sling bag nga naga-unod sang granada, mga bala kag 1 ka sachet sang ginapatihan shabu.
Mahibaluan nga may mga reklamo na nga pagpangawat ang amo nga persona.
Samtang, natigayon naman nga madakpan ang amo nga suspetsado sa Barangay San Esteban sa nasambit nga banwa.
Sa karon yara na ini sa paghinakop sang Pilar Municipal Police Station.
