ROXAS CITY – Madugay na nga ginatiktikan sang kapulisan ang lalaki nga nadakpan sa ginkasa nga buybust operation sa Barangay Esteban, Pilar, Capiz.
Sa interview sang Bombo Radyo kay PMaj. Alfred De Leon hepe sang Pilar Municipal Station, ginpahayag sini nga ila namonitor si alyas Bong, 38-anyos kag residente sang nasambit nga lugar nga nagabaligya sang armas luthang.
Matandaan nga nakuha sa posesyon sang nadakpan ang isa ka unit sang homemade pistolized break type 5.56mm nga may duha ka bala.
Dugang pa nga nakuha kay alyas Bong ang 2 ka sachet sang ginapatihan shabu nga may kabug-aton 10 gramos kag may Standard Drug Price P68,000.00, kag buy bust money nga P1,600.00.
Kaso nga paglapas sa Republic Act 10591 ukon Comprehensive Dangerous Drugs Act of 2002, ang paga-atubangon sang nasambit nga nadakpan.
