ROXAS CITY – Patay na sang masapwan sa suba ang 36-anyos nga lalaki sa Dumarao, Capiz.
Nakilala ang biktima nga si Rodelin Fernandez sang Barangay Dacuton, Dumarao.
Nasapwan ni Anel Agulo ang biktima nga nagalutaw sa Badbaran river sa nasambit nga lugar.
Nagaguwa sa imbestigasyon sang Dumarao Municipal Police Station nga tatlo na ka adlaw nga missing ang biktima, sa diin katapusan ini nga nakita sang Hulyo 29, 2018 kaupod ang mga pakaisa nga nagpangisda.
Apang naglisensiya ang biktima nga mauna ini pauli sa mga pakaisa.
Ginkatingala lamang sang mga himata ni Fernandez nga tatlo ka adlaw nila nga wala nakita ang biktima.
Samtang ginapatihan nga posible gin-atake sang iya sakit nga epilepsy ukon biling ang biktima samtang nagapauli na kag nahulog sa suba kag nalumos.
