-- ADVERTISEMENT --
Napasaakan na sang kaso nga paglapas sa Republic act 10591 ukon Comprehensive firearms and ammunition regulation act ang isa ka lalaki sa Sitio Viscaya, Barangay Lunayan, Cuartero, Capiz.
Matandaan nga ginreklamo nga naga-iskandalo kag nagpalupok sang armas-luthang si alyas “Victor”, 39-anyos kag residente sang Barangay Abaca, San Enrique, Iloilo.
Nakuha sa paghinakop sini ang 1 ka unit sang .9mm caliber nga armas-luthang kag lima ka live ammunitions nga wala sang nagakaigo nga legal nga dokumento.
Narekober man sa lugar ang 11 ka basiyo sang bala gikan sa ginpalupok sang akusado.
Sa karon, yara na ini sa custodiya sa Cuartero PNP, para sa nagakaigo nga disposisyon.
-- ADVERTISEMENT --
