Lalaki nga nagamaneho sang motorsiklo, ginluthang-patay sa Capiz

ROXAS CITY – Patay ang isa ka lalaki matapos nga ginluthang-patay sa Barangay Tinigban, banwa sang Panit-an, Capiz.

Nakaangkon sang pilas sa nawong, tiyan kag abaga ang biktima nga si Arvie Sala sang Barangay Palaguian, Maayon, Capiz,

Sa imbestigasyon sang Panit-an Municipal Police Station nagaguwa nga naglabay ang biktima sa balay sang suspek sakay sa motorsiklo sang makaangkon sang komosyon.

Ginkakibot na lamang sang mga residente sa lugar sang nakabati sila sang apat ka asud asod nga lupok kag sang kadtuan ang lugar, nakita ang duguon nga lawas sang biktima.

Gilayon ini nga gindala sa ospital, apang gindeklarar nga dead on arrival.

Samtang ginapangita na karon sang mga kapulisan ang suspek matapos nagpalagyo.