-- ADVERTISEMENT --
ROXAS CITY – Arestado ang isa ka lalaki matapos nga nagtuyo nga magpangawat sa isa ka salakyan nga naka-park sa Barangay Baybay, Roxas City.
Mahibaluan nga nadakpan mismo sa akto sang tag-iya sang salakyan nga si Jinky Dorado, sang Barangay Banica, sining siyudad, ang suspek nga si Welmer Subista, 22 anyos, sang Barangay Dinginan nga nagatuyo nga kuhaon ang bag sa sulod sang salakyan.
Ginbuka sang suspek ang bintana sang amo nag salakyan agud nga makuot ang bag sa sulod.
Sang nadakpan ini ni Dorado, madasig nga nagdalagan ang suspek apang natigayon man nga madakpan sang mga otoridad sa Barangay Culasi.
Sa karon, nakahunong na sa karsel sang Roxas City Police Station ang suspetsado.
-- ADVERTISEMENT --
