ROXAS CITY, CAPIZ- Ginkumpirmar ni Kagawad Cesar Arollado sang Barangay Libas, Roxas City nga yara sa lisatahan sang Barangay Anti-Drug Abuse Council (BADAC) watchlist ang lalaki nga nadakpan sang mga kapulisan.
Ang arestado amo si alyas ‘Federico’, 49-anyos, kag residente sang nasambit nga lugar.
Sa interview sang Bombo Radyo kay Kagawad Arollado, iya ginpahayag nga nangin madinalag-on ang ginpatigayon nga operasyon sang mga kapulisan.
Nahibaluan nga nakuha sa paghinakop sang arestado ang tatlo ka sachet sang ginapatihan shabu kag P1,000 nga buybust money.
Nagapangatubang sa kaso nga paglapas sa Republic Act 9165 ukon ‘Comprehensive Dangerous Drugs Act of 2002’ ang amo nga lalaki.
Sa karon, nagapabilin ini sa kustodiya sang Roxas City Police Station para sa nagakaigo nga disposisyon.
Interviewed by Bombo Francis Biñas
