ROXAS CITY – Ginpaidalum na sa imbestigasyon sang Scene of the Crime Operatives ukon SOCO ang pagkasapo sa bangkay sang 63-anyos nga lalaki nga nakit-an nga nagasubsob ang nawong sa duta sa ginapaubra nga tiyangge sa isa ka barangay sa syudad sang Roxas.
Suno kay Anne Francisco, utod sang biktima nga si Rodulfo Aguilos Jr,. sa Sitio Pinaypayan, Barangay Lanot, Roxas City nga ginkakibot na lamang sini sang gintundaan nga nakita ang biktima nga namumo sa duta kag kasubong nga wala nagahulag.
Ginapanindugan sang pamilya nga wala sang kaaway sa ila lugar ang biktima, bangud maamiguhon ini.
Agud madula ang ila pagpangduha duha sa nangin kamatayon sang ila himata, naghinyo ang pamilya nga ipaidalum sa autopsiya ang bangkay sang biktima.
Katapusan nga nakita ang biktima kagab-i sang nagguwa sa ila balay para magpahangin.
Wala nahibaluan sang mga kaupod nga hinablos sa balay nga wala ini nakabalik.
Ginkakibot na lamang sang mga himata sini pagka-aga nga nagasubsob ang nawong sa duta kag wala na sang kabuhi.
