Patay ang isa ka lalaki matapos ginlampusan sang tubo sa ulo sa Barangay Casanayan, Pilar Capiz.
Ang biktima amo si alyas “Yoy”, 38-anyos, residente sang Brgy. Victoria Reyes, Dasmariñas City kag temporyo nga nagapuyo sa nasambit nga lugar.
Samtang ang suspek amo si alyas “Tata”, 36-anyos kag residente sa Barangay Casanayan, Pilar Capiz nga amo man ang bayaw sang biktima.
Sa interview sang Bombo Radyo kay Police Captain Achilles Fangco Jr., Officer in Charge sang Pilar Municipal Police Station, iya ginpahayag nga antes natabo ang insidente magkaupod ang biktima kag ang suspek nga naga-inum-inum sang nagluntad ang indi pagka-intindihanay sang duha.
Suno kay Fangco, lipod sang ihibalo sang biktima nga naakig ang suspek rason nga ginlampusan niya ini sang tubo sang makalima ka beses sa ulo nga amo ang rason sang kamatayon sang biktima.
Sa subong, yara na suspek sa kustodiya sang Pilar Municipal Police Station para sa nagaka-igo nga disposisyon.
