Lalaki patay, matapos nga nalumos sa banwa sang Panay

ROXAS CITY – Patay ang isa ka lalaki matapos nga nalumos sa baha nga tuga sang Bagyong Agaton sa Brgy Cabugao Oeste banwa sang Panay.

Ginkilala ang biktima kay Juan Bulaclac kag residente sang nasambitan nga lugar.

Ba-sa report, ginpadulungan si Bulaclac sang rescue team kag ginkumbensi nga magbiya sa iya puluy-an agud indi mabutang sa katalagman ang iya kabuhi.

Apang, nagpamalibad ini kag ginpanindugan nga magpabilin sa iya balay.

Sa wala ginalauman nagtaas ang lebel sang tubig-baha kag na-trapped ini sa iya puluy-an.

Samtang, sang amat-amat nga naghubas ang tubig-baha, nasapwan na lamang ini nga wala sang kabuhi sa sulod sang iya balay.