PRESIDENT ROXAS, CAPIZ – Pilason ang isa ka lalaki matapos nga ginbuno sang iya tukayo sa Sitio Euscade, Brgy. Badiangon, President Roxas, Capiz.
Ginkilala ang biktima nga si Danilo Saron, 54-anyos samtang ang ginatudlo nga suspek amu si Danilo De lugar Ameterbam, 50-anyos kag pareho nga mga residente sang nasambit nga lugar.
Base sa imbestigasyon sang President Roxas Municipal Police Station, ginpahayag nga may nagluntad nga mainit nga argumento sa tunga sang biktima kag suspek kun sa diin hinali nga ginbuno sang suspek ang biktima gamit ang mas ukon menos siyam (9) ka pulgada nga kutsilyo.
Nag-angkon sang pilas sa wala nga dughan ang biktima nga gilayon nga gindala sang pamilya sa Bailan District Hospital nga padayon sa karon nga ginabulong.
Samtang, boluntaryo naman nga nagsungka ang suspek sa kapulisan kag yara na subong sa kustodiya sang President Roxas PNP.
Nahibaluan nga yara sa impluwensya sang makahulubog nga ilimnon ang magtimbang nga bahin sang natabo ang insidente.
