Pilason ang 36-anyos nga lalaki matapos ginluthang sa Barangay Dayao, sining syudad
Ginkilala ang biktima nga si alyas “Rey”, 36 anyos,Laborer residente sang nasambit nga barangay.
Sa nakuha nga impormasyon sang Bombo Radyo Roxas sa Roxas City Police station, ginapahayag nga samtang naga angkas ang biktima sa trisikol nga ginamaneho ni alyas Gino kaupod ang wala na ginhingadlan nga persona, hinali nalang nga may nagluntad nga mainit nga pagbinaisay sa tunga ni alyas Gino kag sa wala na ginhingadlan nga persona.
Bangud sini, Hinali nalang nag pondo ang trisikol kag gulpi nga nagpangluthang ang suspek sa wala mahibaluan nga rason kag diri natiruhan sang suspek ang biktima nga naigo sa natuo nga likod kag tuo nga kamot.
Gilayon man nga gindala ang biktima sa malapit nga Hospital para sa nagakaigo nga pagbulong.
Madasig naman nga nagpalagyo sa lugar ang suspek matapos makumiter ang krimen.
Sa karun, padayon nga nagapatigayon sang hot pursuit operation ang mga kapulisan batuk sa nasambit nga suspetsado.
