Lalaki sa Dumarao, nalukpan sang kamara sa tiil matapos niya ini ginsipa kag gulpi nga naglupok

DUMARAO, CAPIZ – Nalukpan sang kamara ang tiil sang 31 anyos sa Barangay Lawaan, Dumarao, Capiz.

Ang biktima amo si alyas Mar, construction worker kag residente sang nasambit nga barangay.

Sa impormasyon sang kapulisan, samtang ang biktima ang yara sa impluwensya sang makahulubog nga ilimnon kagab-i, Disyembre 31, 2025, ginsindihan sang iya upod ang kamara.

Ini ang ginsipa sang biktima gamit ang iya natuo nga tiil kag gulpi nga naglupok.

Bangud sini, pilas sa tiil ang naangkon sang biktima.

Gilayon siya nga gindala sa Senator Gerardo M. Roxas District Hospital sa banwa sang Dao.