Isa ka 70-anyos nga lalaki sa Vicenza, Italy ang ginpasakaan sang kaso nga fraud matapos nga nagpakuno-kuno nga bulag sa sulod sang masobra 50 ka tuig.
Sa sulod sang lima ka dekada, ang lalaki nakabaton sang kapin sa 1-million-euro (P62 million) gikan sa disability payments.
Gindeklarar nga legal nga bulag ang wala ginhingadlan nga suspek matapos nag naaksidente sa trabaho masobra 50 ka tuig na ang nakaligad.
Apang, sang nagpatigayon sang imbestigasyon ang finance police, nakuhaan ini sang video nga hilway nga nagalibot sa ila syudad.
Nakita siya nga nagaatipan sang iya pananum gamit ang gardening tools.
Nakita man ini nga nagapamakal nga nagaisahanon kag ginausisa siang maayo ang mga produkto nga iya ginabakal nga wala sang bulig.
Pagligad sang duha ka bulan nga pagpanilag, natipon ang bastante nga ebidensia agod pamatud-an nga indi sia bulag.
Bangud sini, ginpasakaan siya sang Vicenza prosecutor’s office sang fraud.
Gilayon naman nga ginsuspende ang tanan niya nga welfare kag social security benefits.
Dugang pa, ginsugo siya nga magbayad sing €200,000 nga ginabanta P12.4 million.
Ini nga hitabo nagapakita nga dapat mangin estrikto sa pag-verify agud malikawan ini nga sahi sang pagpangdaya.
