ROXAS CITY – Nakapauli na sa ila tagsa-tagsa nga puloy-an ang 230 ka mga pamilya nga nauna nga nag-evacuate sa nagkalain-lain nga evacuation centers sa banwa sang Dumalag.
Ini ang ginkumpirmar ni Mr. Joevil Dacutan, pinuno sang Municipal Disaster Risk Reduction and Management Office (MDRRMO)-Dumalag, sang mainterview sang Bombo Radyo.
Suno kay Dacutan, kahapon sang hapon, Mayo 4, pa nakabalik sa ila mga puloy-an ang mga evacuees nga nagikan sa mga barangays sang Rafael, Duran, Sto. Angel, Poblacion, San Jose, Sto. Niño, San Roque, Sta. Teresa, Dolores kag Concepcion.
Samtang, gilayon man nga ginpatigayon ang clearing operation sa mga natiphag nga duta sa Sitio Proper sa Brgy Sta Rita kag San Rafael, Sitio Guinarcan, Singay, Pandayan, Saugab kag Naulan sa Brgy. Concepcion, Sitio Mampao sa San Martin, Sitio Pukoton sa Sta Monica kag Sitio Kalidkid sa Brgy. Dolores.
Wala man sang may narekord nga missing bangud sa pagbaha kag wala man sang naulamid sa nagluntad nga landslides.
