ROXAS CITY – Dalayon na nga
ginpull-out sa mga supermarkets kag grocery stores sa Roxas City ang mga brands
sang langgaw nga una nga ginpa-recall sang Food and Drug Administration (FDA)
bangud sa ingrediente nga may synthetic acetic acid.
Kalakip sa mga ginpull-out nga mga brand sang langgaw ang
Tentay Pinoy Style Vinegar kag Tentay Sukang Tunay Asim nga makita sadto sa mga
supermarkets kag grocery stores sa syudad sang Roxas.
Nahibaluan nga matapos mabaton sang mga merchandizer ang
memorandum nga ginabawal sang FDA ang nasambit nga mga langgaw gilayon nga
ginpull-out ang nasambit nga mga brand sa ila nga display center, bilang
pagsunod sa mandu sang ahensiya.
Sa pihak nga indi peligroso sa ikaayong lawas ang langgaw nga
may ingrediente nga synthetic acetic acid, ginakabi ini sa gihapon nga
substandard.
