Ginaduso ni anay health secretary kag House Deputy Majority Leader kag Iloilo Representative Janette Garin nga kinahanglan maghatag sang libre nga maintenance nga bulong para sa mga indibidwal nga may diabetes kag hypertension, kag kinahanglan isa ini suno diri nga pagatutukan sa idalum sang 2025 national budget sa sektor sang ikaayong lawas.
Ini matapos ang pahayag ni House Speaker Martin Romualdez nga siguraduhon sang Kamara ang bastante nga pondo para ikaayong lawas sa hagna nga P6.352-T sa 2025.
Ginhirit pa ni Garin nga mag-angkon sang libre nga cancer treatment sa pungsod.
Mahibaluan nga sa idalum sang Medical Assistance Program (MAP) ginahatagan sang bulig pinansyal ang mga inbidwal nga nagakinahanglan partikular sa ikaayong lawas.
Sa iya pagdumala sa Department of Health (DOH), nakahatag ini sang mga libre nga bulong para sa kag para sa hypertension.
Samtang, ginpahanumdum naman ni Garin ang publiko nga ipabilin ang mapagros nga pagpangabuhi kag likawan ang mga indi maayo nga buluhaton kaangay sang physical inactivity, pagpanigarilyo, kag pag-inom sang makahulubog nga ilimnon.
