ROXAS CITY – Pabor ang Liga sang mga Barangay Roxas City nga takdan sang Closed Circuit Television (CCTV) ang tanan nga Barangay sa syudad sang Roxas.
Sa interview sang Bombo Radyo kay Punong Barangay Roberto Ross Roldan, President sang Liga ng mga Barangay, Roxas City, iya ginpahayag nga daku nga bulig ang nasambit nga proposal agud nga madali nga madeterminar kag masolbar ang mga krimen nga magaluntad sa kada Barangay.
Pahayag pa niya, ang bahin sang real property tax sang barangay ang iga-alokar agud magbakal sang Closed Circuit Television (CCTV) nga igamonitor sang command center.
Pahayag pa niya, ginalauman nga sa masunod nga tuig, igapatuman na ang nasambit nga proposal sa bulig sang Roxas City Government kag Roxas Component City Police Station.
Nagpanawagan man ang natungdan sa tanan nga Punong Barangay nga mag-ugyon agud nga mapabilin ang kalinong kag katawhay sa palibot sang syudad sang Roxas.
