FINLAND – Patay ang lima ka-tawo sang magbungguanay ang duha ka mga helicopter malapit sa Eura Airport sang Finland sang tinalikdan nga Sabado sang hapon.
Sandig sa pulisya, natabo ang insidente malapit sa banwa sang Kauttua, kun sa diin makit-an ang mga tipak sang helicopter 700 meters ang layo gikan sa Ohikulkutie road.
Suno kay Detective Chief Inspector Johannes Siirilä sang National Bureau of Investigation, may sakay nga duha ka tawo ang isa ka helicopter samtang may yara man sang tatlo ka mga sakay ang isa pa ka helicopter antes ini magbungguanay.
Sa karon, ginahibalo pa sang mga awtoridad kun ang mga helicopter ang padulong sa isa ka hobby aviation event.
Ang National Bureau of Investigation ang nagpamuno sa imbestigasyon kaupod ang mga lokal nga pulis kag awtoridad gikan sa Finland kag Estonia.
