Linibo ka mga residente sa border sang Cambodia, nag-evacuate bangud sa nagapadayon nga airstrike sang Thailand.
Sa interview sang Bombo Radyo kay International Correspondent Bombo Jennifer Togueran, iya ginpahayag nga takna ala-una sang hapon kahapon, una nga naglupad ang missile gikan sa Thailand.
Suno kay Togueran, dominggo pa lang,may yara na sang mandu nga mag-evacuate bangud sa pamahog sang airstrike apang madamu sang nagpabilin sa gihapon sa ila sini mga panimalay.
Naigo sang una nga airstrike ang likod sang templo sa border sang Cambodia kag Thailand kag ginsundan sang isa pa gid ka airstrike sa malapit sa eskwelahan rason nga nagdalalagan ang mga tawo.
Pahayag pa niya, may yara na sang mga Cambodian police ang napatay apang wala pa sang kumpirmasyon sa numero sini.
Sa subong, nagapadayon ang airstrike kag bayluhanay sang lupok sang Thailand kag Cambodia nga nagahatag sang kakugmat sa mga pumuluyo.
