ROXAS CITY – Nagpaandam ang pamunuan sang Land Transportation Franchising and Regulatory Board (LTFRB)-6 sa mga operators kag drivers sang mga Public Utility Vehicle (PUV’s) parikular sa mga van nga indi magpasaka sang sukot sa pletehan kag hatagan sang 20 porsyento nga diskwento ang mga pasahero nga senior citizen kag Person’s with Disability ukon PWD’s.
Ginpahayag ni Atty. Ma. Josette Abellar, legal counsel sang LTFRB-6 nga dapat magsunod ang mga drivers sang mga PUV’s sa pagsulundan sang ahensiya kag kun luyag magpasaka sang pamasahe, dapat nga magfile ng petisyon sa talatapan.
Ginpahanumdum man sang opisyal ang mga operators kag drivers sang PUVs nga sundon ang fare matrix bangud ang pagpataas ukon pagpanubo sa pletehan nga wala nag-agi sa LTFRB ang makabig nga paglapas sa pagsulundan sang ahensiya.
Samtang sa sin-o man nga driver nga mapamatud-an nga wala nagahatag sang diskwento sa mga senior citizen kag PWDs nga pasahero ang magamulta sang P50,000 tobtob P150,000.
Ginganyat man ni Abellar ang riding public nga pananglitan may yara sila sang reklamo, indi magpangduha duha nga magpalab-ot sang complaint sa ahensiya agud ila ini maaksyunan.
