Ginatos ka mga indibidwal ang nag-upod sa lubong sang coordinator sang Bagong Alyansang Makabayan ukon BAYAN-CAPIZ nga si Mr. Kashmir Diestro.
Kalakip diri ang naggikan sa mga nagkalain-lain nga grupo sang mga progresibo nga grupo kag iban sa ila ang naggikan pa sa mga kabanwahanan sa probinsiya.
Suno sa mga nag-upod nga naghatag sila sang respeto sa kamatayon ni Diestro kag pagpakita sang pakig-unong sa pamilya sini.
Ginpahayag pa sang mga ini ila liwat ginhanduraw ang hinumuan ni Diestro ilabi na ang pagbulig sini sa mga nabiktima sang bagyo nga Yolanda sa Capiz.
Suno pa sa ila nga indi makakas sa ila tagipusuon ang mga nahimuan ni Diestro bangud nagserbe ini nga tingog sang mga pigado agud ipalab-ot ang ila sentimyento sa gobyerno.
Matandaan nga si Diestro ang napatay matapos makabunggo ang ila ginasakyan nga salakyan sa puno sang lubi sa Barangay Baybay, Roxas City.
