Manabaw lamang ang lugar kung sa diin nalumos-patay ang isa ka labourer samtang nagapaligo sa Baybay Beach, Barangay Baybay, Roxas City.
Matandaan nga ginkilala ang biktima kay Steve Villeza, 45-anyos, kag residente sang Barangay Lacaron, Dao, Capiz.
Sa interview sang Bombo Radyo sa Officer in Charge sang Roxas City PNP nga si Plt. Col. Lumyaen Lidawan, ginpahayag sini nga base sa ila imbestigasyon nagaisahanon nga nagapaligo ang biktima kag madugay na nga nahibaluan sang iya mga kaupod nga nalumos na ini base man sa sitwasyon sang bangkay.
Mahibaluan nga yara sa impluwensya sang makahulubog nga ilimnon si Villeza sang natabo ang insidente.
Panugyan sini sa publiko, likawan nga magpaligo sa baybayon nga nakainum agud malikawan ang mga indi maayo nga hitabo.
