Mabunok nga ulan kagab-i kag pagbinaha sa pila ka barangay sa Mambusao, rason sang pagkanselar sang klase – Mayor Luz Labao

MAMBUSAO, CAPIZ – Indi pa passable sa karon ilabi na sa mga light vehicles ang dalan sa Brgy. Tumalalud sa banwa sang Mambusao.

Sa interview sang Bombo Radyo kay Mambusao Mayor Luz Labao, nag-umpisa kagab-i Nobyembre 3 ang gulpyada nga pagbunok sang ulan rason nga nagtaas ang tubig sa suba kag naglab-ot sa 9.26 meters rason sang pagdalom sang tubig sa Brgy. Tumalalud kag Brgy. Burias.

Suno pa kay Mayor Luz nga ginpakamaayo sang LGU Mambusao nga i-suspend ang klase sa tanan nga lebel agud makapanginaman sa anuman nga katalagman.

Sa karon padayon ang ila pag-monitor sang lebel sang tubig kag sitwasyon sa kabarangayan sa nasambit nga banwa.