ROXAS CITY – Patay ang mag-amay samtang pilason ang isa pa ka menor de edad nga anak matapos nagbunggo sa Nissan Urvan nga salakyan ang motorsiklo sa Barangay Nasunugan, Dao, Capiz.
Lunsay nag-angkon sang patal nga pilas sa ulo ang mag-amay nga sanday Dennis Fuentes 29-anyos sang Barangay Manhoy, Dao, Capiz kag tatlo ka tuig nga anak samtang padayon nga ginabulong sa ospital ang lima ka tuig nga anak.
Nahibaluan nga naglagaw ang mag-amay kag pauli na sila sang wala ginalauman nga magbunggo ang motorsiklo sa naka-parked nga van sa dalan.
Gindala pa sa ospital ang mga biktima, apang gindeklara nga dead on arrival samtang padayon nga ginabulong sa ospital ang isa pa ka anak ni Fuentes nga ila kaupod sa motorsiklo.
Sa karon yara sa kostodiya sang pulisya ang driver sang van nga si Mark Nelquedis Borja.
