ROXAS CITY – Patay ang mag-nobyohanay matapos bumunggo ang ginasakyan nila nga Honda Civic nga salakyan sa isa ka Fuso Cargo Truck sa Osmeña Avenue, Hacienda Newton Jison, Barangay 13, Victorias City kaina sang hapon.
Ginkilala ang mga biktima nga sanday Alejandre Brotarlo, 28-anyos, residente sang Crossville Heights, Roxas City, Capiz, driver sang awto kag nobya sini nga si Queenie Rocaberte, 23-anyos, residente sang Barangay 5, Victorias City.
Sandig sa Victorias City PNP, nga posible madasig ang dalagan sang awto kag nawad-an sang kontrol sa manibela si Brotarlo rason nga naglapaw ini sa pihak nga linya kag bumunggo sa nasambit nga truck.
Gilayon naman nga gindala sa ospital ang duwa ka biktima apang gindeklarar ang mga ini nga dead on arrival sang Doctor.
Sa karun, yara na sa kostodiya sang Victorias City PNP ang driver sang truck nga ginkilala kay Juanito Panes, 43-anyos sang Kabankalan City para sa nagakaigo nga disposisyon.
