ROXAS CITY – Pilas ang naangkon sang mag-utod matapos naaksidente sa ginasakyan nga motorsiklo bangud sa ginapahayag nagtabok nga layaw nga ido pasado 9:00, kagab-i Nobyembre 15, 2023 sa Barangay Banica, Roxas City.
Ginkilala ang driver sang motorsiklo nga si alyas “Dodoy” yara sa legal nga pang-edaron kag backrider sini nga manghod nga menor de edad nga lunsay mga residente sang Barangay 9, sining syudad.
Sandig sa nakuha nga impormasyon sa lugar, nga samtang ginasubay sang mag-utod ang dalanon nagikan sa Barangay Tanza kag papauli na kuntani sa ila puloy-an sang hinali na lamang nga nagtabok ang isa ka layaw nga ido nga nangin kabangdanan sa ila pagkatumba.
Bangud sini, nag-angkon sang mga pilas sa magkatuhay nga parte sang ila lawas ang mag-ulutod nga madasig naman gindapatan sang pauna nga pagbulong antes ginpadangat sa pinakamalapit nga ospital para sa nagakaigo nga pagbulong.
