ROXAS CITY, CAPIZ- Yara sa Barangay Anti-Drug Abuse Council (BADAC) Watchlist ang mag-utod nga nadakpan sang mga otoridad sa McKinley Street, Barangay I, Roxas City.
Ang mga nadakpan amo sanday alyas ‘Jay-Ar’, 27-anyos kag alyas ‘Nel’, 28-anyos nga lunsay residente sang nasambit nga lugar.
Sa interview sang Bombo Radyo kay Barangay Kagawad Dante Ona Flores, iya ginpahayag nga madugay na nga ginamonitor sang mga otoridad ang mag-utod.
Madumduman nga nakuha sa paghinakop sang mga ini ang apat (4) ka sachets sang ginaalegar shabu nga may kabug-aton nga kapin sa 55 gramos.
Nagapangatubang sa karon sa kaso nga paglapas sa Republic Act 9165 ukon ‘Comprehensive Dangerous Drugs Act of 2002’ ang mga ini.
Sa karon, nagapabilin ang mga ini sa kustodiya sang mga kapulisan para sa nagakaigo nga disposisyon.
Interviewed by Bombo Jessa Mae Siman De Los Santos
