ROXAS CITY – Nagpa-blotter sa Roxas City Police Station ang mag-utod matapos nga ginaalegar ginkastigo sa isa ka kalan-an sa Barangay Baybay, Roxas City.
Ginkilala ang mga tagreklamo nga sanday Daniel Saquin 33-anyos sang Barangay Punta Tabuc sinings siyudad kag Helden Saquin 27-anyos kag temporaryo nga nagapuyo sa Barangay Culasi sining siyudad.
Base sa inisyal nga imbestigasyon sang Roxas City PNP nga magabakal kuntani sang pagkaon ang mga tagreklamo sang hinali na lamang nga nag-angkon sang kinagamo sa tunga sang mga biktima kag indi matumod nga grupo gikan sa Barangay Culasi.
Bangud diri, gintinghuan pa sang mga biktima nga magsakay sa tricycle kag nagpangayo sang bulig sa mga security guards nga sanday Johnny Baruela kag Jesurey Banjao Don Diego apang sa baylo nga buligan ginaalegar nga ginkastigo pa ang mga ini.
Nag-angkon naman sang mga pilas sa lawas ang mga biktima nga gilayon naman gindala sa ospital agud dapatan sang nagakaigo nga pagbulong.
