ROXAS CITY – Nagapati si Regina Bugar Olivare nga may salig sa iya si Punong Barangay Einstein Okpora kabangdanan nga ini ang nadesisyonan nga papungkuon bilang panibag-o nga Barangay Treasurer sang Barangay Inzo Arnaldo, Roxas City.
Sa interview sang Bombo Radyo Roxas kay Olivare ginpahayag sini nga iya masarangan ang trabaho sang isa ka Barangay Treasurer kabangdanan nga ginbaton niya ini.
Mahibaluan nga nagpamatuk ang mga barangay kagawad sang nasambit nga barangay sa desisyon ni Okpora nga pagdesignar kay Olivare nga mangin panibag-o nga Barangay Treasurer bangud sa ginaalegar iregularidad kasubong sa pagbaton sang sweldo sa BHW kag empleyado sang City Government.
Sa pihak nga bahin, ginklaro ni Olivare nga ginagamit sini sa kaayuhan ang kaugalingon nga apelyido sa pihak sang mga pagkwestyon kun ngaa gingamit sini ang apelyido sa pagkadalaga kag nagtrabaho sa isa ka birthing clinic sa syudad.
Magluwas diri, ang paggamit sang apelyido sang iya naman bana nga nagtrabaho bilang isa ka Barangay Health Worker apang nagbiya naman sang ulihi.
Suno diri nga wala ini sang malain nga intensyon kundi ang pagdul-ong lamang sang maayo nga serbisyo sa mga pumuluyo.
