-- ADVERTISEMENT --
IVISAN, CAPIZ – Masobra isa ka dupa ang kalabaon sang magkal nga nasapwan sa kilid sang merkado-publiko sa banwa sang Ivisan.
Base sa impormasyon nga nakuha sang Bombo Radyo, nakabaton sang pagpanawag ang mga katapo sang Ivisan Municipal Police Station nga may nakit-an nga magkal sa nasambit nga lugar.
Gilayon ini nga ginpadulungan sang mga kapulisan kag didto na-rescue ang nasambit nga sapat.
Plano sa karon nga iturn-over sa talatapan sang Municipal Environment and Natural Resources Office (MENRO) sang nasambit nga banwa ang magkal.
