ROXAS CITY – Nakadepende sa pagpaathag sang mga security officials sang Duterte administration ang mangin desisyon sang genuine opposition nga Magnificent 7 sa mangin agenda sang special session buwas nga adlaw sa House of Representatives nga pagpalawig sa martial law.
Sa interview sang Bombo Radyo, ginpahayag ni Capiz 1st District Congressman Emmanuel Billones Sr., nga makaangkon sila sang individual votes sa Magnificent 7, sa diin iba-se nila ang desisyon sa pagpaathag sang Duterte administration.
Sa pihak nga ginakabig sila nga critical opposition apang bukas sila sa pagsuporta sa mga programa sang gobyerno nga ila nahibaluan madamo sang mabuligan.
Samtang gin-ako ni Billones nga antes pa ang special session buwas ginkunsulta na sini ang mga lokal nga opisyal sa syudad sang Roxas kag probinsiya sang Capiz kag may pila ka rekomendasyon nga ginakunsidera sa pagpabor sa extention sang martial law, nga indi maglapaw sa Disyembre 31, 2017.
