Imbestigaran sang Malacañang ang mga opisyal sang Cebu nga nagpadulong sa Europe samtang nag-igo ang bagyo Tino sa probinsya.
Suno kay Palace Press Officer Claire Castro, kinahanglan nga i-assess anay kag indi masiling nga may sala na ang mga opisyal.
Nanguna na ang Department of the Interior and Local Government (DILG) sa pag-imbestigar kag nakig-angot na sa Cebu Provincial Government.
Nahibaluan nga nagpangatubang sang kritisismo ang mga opisyal sang fifth district sang Cebu lakip na ang representatives nagikan sa mga tuman nga naapektuhan sang bagyo nga mga lugar kaangay sang Compostela kag Liloan matapos ang reports nga nagpadulong ang mga ini sa London kag France sang pag-igo sang bagyo Tino.
Una na nga ginkumpirma sang Kapitolyo Provincial nga ginpahanugotan sang gobernador ang masunod nga mga opisyal sang nagligad nga Setyembre kag ini amo sanday;
Catmon Mayor Avis Ginoo-Monleon
San Francisco Mayor Alfredo Arquillano Jr.
Tudela Mayor Greman Solante
Poro Mayor Edgar G. Rama
Pilar Mayor Manuel Santiago
Compostela Mayor Felijur Quiño
Liloan Mayor Aljew Fernando Frasco
Kadam-an sa mga opisyal ang wala pa nakakumpirma ukon nag-deny sa mga reports.
Samtang ginkansela naman ni Borbon Mayor Nico Dotillos ang iya trip padulong sa United Kingdom.
