Labi pa nga nagtaas ang numero sang malaba kag madalom nga litik sang duta nga gintunaan sang magnitude 6.9 nga linog nga nag-igo sa probinsya sang Cebu.
Magluwas sa malaba nga litik sa duta, naporma man ang mga sinkhole halin sa nagkalain-lain nga mga lokasyon.
Sa kaiping nga mga barangay sang Bario Diot, Barangay Matinud-anon, kag Barangay Punta, San Remigio, Cebu, madamo nga mga komunidad ang apektado sang malawig nga litik sa duta.
Una nga gin-trace sang Philippine Institute of Volcanology and Seismology (Phivolcs) ang fault halin sa Sitio Looc, Barangay Nailon, Bogo City nga nagtuga sang mabaskog nga linog kag nagtuga sang malaba nga litik sa duta kag sinkholes sa malapit nga mga lugar.
Sa Brgy. Bitoon sa Daanbantayan, Cebu, nagporma man sang daku nga sinkhole malapit sa pila ka mga pamalay.
Isa naman ka sinkhole ang nakit-an sa Sitio Mayjo, Barangay Paypay, Daanbantayan.
Sa pila ka mga baybayon sa Daanbantayan, apat pa ka dalagku nga sinkholes ang gina-usisa sang ahensya.
Sa subong, padayon ang pagpangusisa sang mga eksperto, geologo, kag iban pa nga mga opisyales sang Phivolcs sa nagkalain-lain nga bahin sang Cebu kag kaiping nga mga probinsya agud matumod ang iban pa nga mga lugar nga may sinkholes kag madalom nga litik sa duta kasunod sang mabaskog nga linog.
