ROXAS CITY – Desidido na nga indi magpasaka sang nagakaigo nga kaso ang isa ka mamumugon matapos maluthangan sang isa ka hubog sa Barangay Linateran, Panay, Capiz.
Mahibaluan nga ginkilala ang biktima kay alyas “Jose”, 58-anyos samtang ang ginapahayag nga suspek amo si alyas “Ati” kag lunsay mga residente sang nasambit nga Barangay.
Sa interview sang Bombo Radyo kay PCpt. Ronald Ton-ogan hepe sang Panay Municipal Police Station ginpahayag sini nga nagkasugot na ang magtimbang nga bahin kun sa diin ang suspek na lamang ang magabayad sang tanan nga balayaran sa ospital.
Suno kay PCapt. Ton-ogan, lunsay nga nakainum ang biktima kag suspek sang natabo ang insidente.
Matandaan nga ginpalapitan kag suwayon kun tani sang biktima ang suspek matapos nga nagasinggitan sa guha sang ila balay
ang hinali nalang ini nga ginluthang sang suspek sang wala matumod nga armas-luthang.
Bangud sini, nag-angkon sang pilas sa tiyan kag wala nga braso ang biktima nga gilayon naman nga gindala sa Roxas Memorial Provincial Hospital agud mapadapatan sang nagakaigo nga pagbulong.
Sa karun, nakaguha na sa karsel sang Panay MPS ang suspek subong man ang biktima sa ospital.
