ROXAS CITY – Dead on arrival sa Tapaz District Hospital ang 33-anyos nga mangunguma matapos nga ginluthang kag ginlabo sang 29-anyos nga lalaki sa Barangay Daan-Sur, banwa sang Tapaz.
Ginkilala ang biktima kay Gedion Olido, kag residente sang Sitio Cubay, Brgy. Daan-Sur.
Samtang, ang suspek ang ginkilala kay Benrio Damas, nga residente sang Brgy. Nayawan, lunsay sa banwa sang Tapaz.
Sandig sa inisyal nga imbestigasyon sang mga katapo sang Tapaz MPS, mga alas-5 kahapon sang hapon, Marso 1, sang nagpadulong nga hubog ang biktima sa tiyangge sang suspek kag nagpamahog nga pagalab-on gamit ang ginabitbit nga binangon.
Ginpahayag nga nagguwa ang suspek kag nagpalupok sang ginaalegar 12-gauge shotgun bilang warning shot.
Apang, nagpadayon sa paghana’ nga pagalab-on sang biktima ang suspek, rason nga posible naimpito ang suspek kag iya ginluthang ang biktima, ginsundan pa sini sang paglabo, pinaagi sa pagkuha sang binangon sang biktima.
Pilas sa tiyan tuga sang pagtiro, samtang pilas sa natuo nga ulo paidalom sa li-og ang naangkon ni Olido.
Sa karon, padayon nga ginalalip sang mga kapulisan ang suspek matapos nga nalagyo pagkatapos sang krimen.
