TAPAZ, CAPIZ – Patay ang isa ka mangunguma matapos ginluthang sang iya abyan sa Barangay Agpalali, Tapaz, Capiz.
Ginkilala ang biktima kay Leandro Gapasinao, 54-anyos sang nasambit nga lugar.
Base sa inisyal nga imbestigasyon sang mga kapulisan nga nag-upod pa panyaga ang suspek nga si Isidro Bundalan 52-anyos sang Barangay Tabon, Tapaz sa balay sang biktima.
Apang, matapos nga nagpanyaga ang suspek,gilayon man ini nga naglisensya sa biktima nga magpauli.
Bangud diri, ginsundan ini sang biktima sa guwa apang hinali na lamang nga ginluthang patay sang makapila ka beses ni Bundalan si Gapasinao gamit ang caliber .45 sini nga armas luthang sa diin nagresulta sa kamatayon sang biktima.
Gilayon naman nagpalagyo ang suspek matapos ang ginhimo sini nga krimen.
Sa karon, padayon nga ginahibalo sang mga kapulisan kun ano ang motibo sang suspek sa pagluthang patay sa biktima.
