ROXAS CITY – Pilas ang naangkon sang isa ka mangunguma matapos ginbuno sang kaupod sini sa ilimnan takna alas 9:50 kagab sa barangay Balingasag Cuartero Capiz.
Ginkilala ang biktima kay alyas Paul, yara sa legal nga pang edaron, samtang ang ginapahayag suspek amu si alyas Gabby, yara man sa legal nga pang edaron kag lunsay residente sang amu nga banwa.
Sa nakuha nga impormasyon sang Bombo Radyo nagikan sa Cuartero Municipal Police Station, nga samtang naga inom2 ang biktima kaupod sang mga kaupdanan sini sa sulod sang balay ni alyas Arnold, hinali nalang nga nag abot ang suspek nga si Dullano, sa diin nagluntad ang indi pag intindihanay kag mainit nga argumento sa Tunga sang duha, tubtob nga ginbuno sang suspek ang biktima nga nag igo sa Dughan kag sa kilid sang tangkugo.
Madasig naman nga nagpalagyo ang suspek sakay sang iya nga motorsiklo padulong sa banwa sang maayon matapos sini nga ginhimo ang krimen.
Samtang gilayon naman ini nga gin respondehan sang Cuartero Emergency Response Unit, kag ginpadangat sa malapit nga ospital kag gin transfer naman sa Roxas Memorial Provincial hospital para sa nagakaigo nga pagbulong.
