ROXAS CITY – Nagparekord sa Roxas City Police Station ang isa ka manunudlo matapos nga ginaalegar ginhambalan sang mga malain nga tinaga sang isa ka Person with Disability (PWD) sa Plaridel West Elementary School.
Ang nasambit nga tagreklamo amo si Cheryl Alovera sang Barangay Inzo, Arnaldo, sining siyudad.
Base sa ginpabalhag ni Alovera, nga samtang nagahulat ini matapos ang activity sang iya mga estudyante nga naga-print sang t-shirt may kaangtanan sa Coronavirus Disease (COVID19) sa nasambit nga buluthuan nakita sini si April Joy Arlante 21-anyos sang Graceville, Barangay Tiza sining siyudad rason nga gin-istorya niya ini apang sa baylo nga istoryahan ginhambalan pa ini sang mga malain nga tinaga ni Arlante.
Kabaliskaran ini sa una nga pahayag ni Arlante nga ginsakit ini sang nasambit nga manunudlo.
Hugot naman ang panginwala sang nasambit nga manunudlo sa mga alegasyon ni Arlante.
Bangud diri, ginpakamaayo na lang man sini nga ipabalhag sa pulisya ang natabo.
