ROXAS CITY – Nagareklamo ang masobra 20 ka mga food cart vendor sang Teodoro Arcenas Trade Center (TATC) matapos nga gin-saylo ang ila nga puwesto sa pagbaligya sa Plaridel Street, Barangay 8, sining syudad.
Ba-se sa pagpangusisa sang Bombo Radyo News Team nga ginsaylo ang mga food cart vendor bangud kinahanglan ang ila una nga ginapuwestohan sa kilid sang suba sa TATC para pahamtangan sang mga nagabaligya sang prutas sa nagahilapit nga Paskwa kag Bag-ong Tuig.
Nagikan ang mandu sang relokasyon kay Mr. Primo Golingay, ang pinuno sang Roxas City Environmental Sanitation Enforcement Team (RESET).
Apang kasunod sang pagsaylo sa ila, nagareklamo ang mga food cart vendor bangud magluwas sa pigado ang baligyaanay, tuman pa ka gutok sang ila nga ginsayluhan nga lugar.
