ROXAS CITY -Masobra sa 2,000 ka mga estudyante ang nakatigayon nga makapa-enrol sa Capiz National High School (CNHS) sa una nga semana sang Online Enrollment.
Ginpahayag ni Mrs. Rita Villareal, Principal sang Capiz National High School (CNHS)
nga ginkakibot sini ang volume sang mga estudyante nga nagpa-enrol pinaagi sa online kabaliskaran sa nalauman sini.
Gindugang pa ni Villareal nga bukas man ang buluthuan sa mga luyag magtransfer kag mga estudyante nga maga balik-eskwela nga magpa enrol pinaagi sa online.
Aminado ini nga may pila ka mga ginikanan nga nagapalab-ut sang reklamo nga naka eksperensya sang technical problem sa online enrolment.
Samtang ginpabugal ni Villareal nga dako ang numero sang mga estudyante nga pabor sa online classes sa new normal nga klase sang edukasyon sang DepED.
Apang ginklaro sini nga modular mode of learning man sa gihapon ang igapatuman sang buluthuan sa mga estudyante sa online kag face to face classes.
Suno kay Villareal nga magatuon ang mga estudyante pinaagi sa mga modules nga ginbilin sa ila sang mga manunudlo sa online classes samtang sa face to face classes naman indi adlaw-adlaw nga magapadulong sa buluthuan ang mga estudyante sa diin ang mga modules pagadal-on sa ila mga panimalay.
