Gindeklarar sang Philippine Airlines nga wala sang naulamid nga nagkalapilasan ang kabug-usan nga 361 ka pasahero sang eroplano nga padulong kuntani sa Amerika, matapos maka-eksperyensya ini sang technical glitch.
Suno kay PAL spokesperson Cielo Villaluna, wala naka-take off ang PAL flight 102 nga padulong sa Los Angeles, California matapos madiparahan sang piloto ang technical problem sa taxiway sang runway sang Ninoy Aquino International Airport (NAIA).
Nagdeploy ang MIAA sang mga bumbero sa lugar sang insidente matapos nga madetect ang aso sa eroplano.
Na-tow ukon ginbutong na ang amo nga eroplano nagikan sa runway sang airport.
Samtang, ginaasikaso naman ang replacement flight, ginhatagan sang airline ang mga pasahero nga naisturbo ang flight sang pagkaon kag accommodation.
Una na nga ginpahayag ni Villanueva nga ang bag-o nga flight nga available para ma-accommodate ang mga pasahero ang nag-byahe padulong sa Los Angeles ang nakabyahe na kagina sang takna alas-2 sang hapon.
Nagpangayo man sang pasaylo ang PAL sa mga naapektuhan nga pasahero sa nangin aberya.
