ROXAS CITY, Capiz — Nakarekord ang Capiz Provincial Disaster Risk Reduction and Management Council (PDRRMC) sang 15 ka mga local government units (LGUs) ukon 88.24% sang probinsya ang apektado sang lapnagon nga pagbaha tuga sang ulan nga dala sang bagyo Ramil.
Kabug-osan nga 216 sa 473 ka mga barangay ukon 45.67% ang naapektohan samtang 117 barangays ukon 24.73% ang nagapabilin nga ginabaha sa gihapon.
Sa latest data sang PDRRMC, 110 pa ka mga barangay sa 12 ka mga LGUs ang ginabaha pa sa gihapon samtang 28 naman ang nag-subside na.
May yara naman sang 10,583 ka mga pamilya ukon 37,867 ka mga indibidwal ang napwersa nga mag-evacuate sa ila panimalay bangud sa baha.
Sa nasambit nga numero, 5,506 ka mga pamilya ukon 18,349 ka mga indibidwal ang nakabalik na sa ila puluy-an samtang may mga nabilin pa sa evacuation centers nga 5,077 ka mga pamilya ukon 18,349 ka mga indibidwal.
