Ginpabugal sang Department of Science and Technology (DOST) ang lapnagon sini nga suporta para sa mga micro, small, and medium enterprises (MSMEs) kag start-up companies sa pungsod.
Ginpahayag ni DOST Secretary Renato Solidum Jr. nga may 91 technology business incubation hubs nga nagabulig sa karon sa pagpa-umwad sang mga negosyo.
Ang mga hub nga ini ang ginapondohan sang DOST sa sulod sang duwa ka tuig bilang suporta sa mga State Universities and Colleges (SUCs) kag Private Higher Education Institutions (HEIs) sa pagduso sang mga innovation.
Magluwas sini, may mga start-up grants ang ahensya agud suportahan ang mga teknolohiya nga ginagamit sang mga start-up companies kun sa diin isa sa mga highlight nga proyekto subong nga tuig amu ang paggamit sang artificial intelligence (AI) sa mga sari-sari stores.
Makabulig suno diri ang isa ka start-up nga nagagamit sang AI agud mas mapaayo pa ang operasyon sang mga sari-sari store.
