Nakumpiska sang Bureau of Customs (BOC) ang duha ka 40-foot container shipments sa Manila International Container Port (MICP) nga naga-unod sang mga misdeclared nga frozen chicken breasts nagikan sa China nga nagabalor sang mas ukon menos ₱12.96 milion.
Sandig sa report sang BOC, ang mga shipment ang gindeklara nga may sulod nga 5,300 ka karton sang fish balls, apang sa ginpatigayon nga joint examination sang Setyembre 29, naguwa nga 240 ka karton lang ang matuod nga may fish balls samtang ang nabilin amo ang mga sako sang frozen chicken breasts.
Bangud sang nabaton nga derogatory information, gilayon nga nagpaguwa ang ahensya sang Pre-Lodgement Control Orders (PLCO) sang Agosto 29 bangud sa posible nga paglapas sa Section 117 ukon Regulated Importation and Exportation kaangot sang Section 1113 ukon Property Subject to Seizure and Forfeituresang Customs Modernization and Tariff Act (CMTA).
Sang Oktubre 9, nagpaguwa man si Manila International Container Port District Collector Rizalino Jose Torralbasang Warrants of Seizure and Detention (WSD) batok sa mga shipment bangud sa paglapas sa Sections 117 kag 1400 sang layi.
Nahibaluan nga sang Lunes, personal nga ginpangunahan nanday Senator Francis Pangilinan, Customs Assistant Commissioner Vincent Philip Maronilla, kag Torralba ang inspeksyon sa nasambit nga mga nakumpiska nga container agud siguraduhon ang integridad sang operasyon kag pagpatuman sang layi batok sa smuggling.
