ROXAS CITY-Nagalab-ot sa P200,000 ang balor sang mga alcohol nga ginabaligya sang mahal ukon overprice ang nakumpiska sang mga katapo sang Criminal Investigation and Detections Group ukon CIDG-Capiz kasunod sa pagpaidalum na sa probinsiya sang Capiz sa Enhanced Community Quarantine.
Ginpahayag ni Police Major Christian Arthemeus Devaras, hepe sang CIDG-Capiz nga una nga nadakpan ang grupo nanday Nathaniel Alvarez sa diin ginalon nga mga alcohol nga ginabaligya sang mahal ang narekober sa nasambit nga grupo.
Samtang ang pinakaulihe amo si Rowelie Custodio isa ka online seller nga nakuhaan sang masobra 300 ka botelya sang Isoprophyl Alcohol nga may kabug-osan nga balor nga P75,000 kag ginabaligya sa overpriced nga presyo.
Ginkumpirmar naman ni Devaras nga ginpasakaan na sang panumbongon ang grupo ni Alvarez samtang ginaproseso pa ang pagpasaka sang panumbongon kay Custodio.
Nagpaandam naman si Devaras sa padayon nga nagbaligya sang mga overpriced nga mga alcohol nga mag-untat na kun indi gusto nga mapreso, bangud padayon ang ila nga monitoring
ELNOR
